16 වන සියවසේ සිට පැවත එන සම්ප්‍රදායට අනුව දේව දේවමාතාවන්ගේ ප්‍රාතිහාර්ය යාත්මක පින්තූරයක් ක්‍රීටය නම් දූපතේහි තිබූ දේවස්ථානය කින් සොරාගත් වෙළෙන්දෙක් පිළිබඳව සඳහන් වේ. ඔහු මෙම පින්තූරය වෙළඳාම සඳහා තිබූ අනිකුත් අනෙකුත් භාණ්ඩ සමග සඟවාගෙන දූපතේ බටහිර දෙසට යාත්‍රා කරන අතරතුර දරුණු කුණාටුවකට හසු වී නිරුපද්‍රිතව ගොඩබිමට සේන්දු වී තිබෙන්නේ දේව හාස්කමකින් මෙනි .ඉන් වසරකට පමණ පසු එම සොරාගත් පින්තූරයත් සමග ඔහු රෝමයට පැමිණ ඇත
රෝමයේ සිටි කාලෙදී ඉතාමත් බලවත් ලෙස රෝගාතුර වූ මෙම වෙළෙන්දා ඔහුගේ මරණ මොහොතේදී ඔහුට උපස්ථාන කිරීම සඳහා තමා ළඟ සිටි මිතුරා හට සොරකම් කරන ලද මෙම චිත්‍රය පිළිබඳව පවසා කෙසේ හෝ එය දේවස්ථානයකට භාරදෙන ලෙස බැගෑපත් වී ඇත. ඔහුගේ මිතුරා එය භාර දෙන බවට පොරොන්දු වූ නමුත් එවැනි අලංකාර පින්තූරයක් නැති කරගැනීමට අකමැති ඔහුගේ බිරිඳගේ ඇවිටිල්ල නිසා තම මිතුරා හට වූ පොරොන්දුව ඉටු කිරීමට ඔහුට නොහැකි විය
කෙසේ හෝ මෙම මිතුරා මියගිය පසු එම නිවසේ සිටි සය හැවිරිදි කුඩා දියණියට දර්ශනය වූ දේව දේව මාතාවන් වහන්සේ එම නිවසේ තිබෙන සදාසරණ දේව මාතාවන්ගේ පින්තූරය ශුද්ද වූ මේරි මේජර් සහ සහ ජෝන් ලතෙරානු බැසිලිකා දෙක අතර පිහිටා තිබෙන ශුද්ධවූ මතෙව් මුනිතුමාගෙ දෙව්මැදුරට භාර දෙන ලෙස තම මවට සහ මිත්තණියට දන්වන ලෙස එම කුඩා දියණියට පැවසුවාය....මෙම කුඩා දියණියගේ වදන් වලට සවන් දීමට අදිමදි කළ ඇයගේ මෑණියන් කෙසේ හෝ ශුද්ධවූ මතෙව් තුමාගේ දේවස්ථානයේ සිටි පියතුමන්ලා සමග සාකච්ඡා කිරීමෙන් අනතුරුව 1499 මාර්තු මස 27 වන දින සදාසරණයේ දේව මාතාවන්ගේ පින්තූරය එම දේවස්ථානයේ තැන්පත් කරන ලදි.එවක් පටන් වසර 300 ක පමන කාලයක් සදාසරණයේ දේව මාතා බැතිය රෝමය පුරා ව්‍යාප්ත විය.......
No comments:
Post a Comment