සදාසරණයේ දේව මාතාවන්ගේ පින්තූරය අලංකාර සිතුවමක් පමණක් නොව එය සැබැවින්ම දේව පණිවුඩයකි.අපගේ විශ්වාසයේ මූලික හා ප්‍රධාන අභිරහස් ගැන කතා කරන ප්‍රබන්ධයකි.පින්තූරයේ සමන්විත විවිධ වූ කොටස් මගින් දෙවියන් වහන්සේ අප සමග බව පහදා දෙයි.ඒ සමගම එය කුරුසියෙ මාර්ගයත් ,මරිය මවගේ මැදිහත් භාවය සහ දේව රාජ්‍යයේ මහිමය කියා පායි( රන්වන් පැහැති පසුබිම ).
දේව පුත්‍රයා මිනිසත් බව ගැනීමත් සමග ගැලවීමේ පොරොන්දුව මරියතුමී තුල පූර්ණත්වයට පැමිණියාය .එතුමියගේ පුත්‍රයානන් කෙරෙහි විශ්වාසය තැබූ ප්‍රථම පුද්ගලයා ලෙස ඇය කුරුසිය පාමුල සිටියාය .
ක්‍රිස්තුස් වහන්සේ උන්වහන්සේගේ අවසාන මොහොතේදී මරිය මාතාවන් මුළු මහත් මානව වර්ගයාගේ මව ලෙස බාර දුන් සේක ." මෙන්න ඔබේ මෑණියෝ"(ශු.ජොහාන් 19:27).අපව සමිදුන් වෙත ළගාකරවීම සදහා ඇය මවක් ලෙස අප සමග සිටියි.
මෙහි සමන්විත සියලු අංගවලින් පැහැදිලිව දිස් වනුයේ දුක් වේදනාවේ ඇති සත්‍යතාවය හා යථාර්ථයයි. මෙම සත්‍යතාව මරිය මාතාවන්ගේ මුව මඩලින්ද ,බියෙන් තැති ගැන්වී කලබල ස්වභාවයක් පෙන්නුම් කරන ජේසුතුමන්ගේ උත්තරීතර වූ විජයග්‍රහණය රන් වන් පැහැති පසුබිම් තුලින් හා දුක් වේදනාව ඇති කරන්නාවූ ආයුධ රැගත් සුරදූතයන්ගේ ස්වභාවයෙනුත් පෙන්වා දෙයි.නමුත් මෙම ආයුධ විනාශයේ පෙර ලකුණු රැගෙන එන සලකුණකට වඩා ඒවා විජයග්‍රහණයේ සම්මානයන් ලෙස දිස්වේ................
